Ламин Ямал класикодаги энг ёш гол муаллифига айланди.

«Барселона» вингери 17 ёшу 105 кунлигида «Реал» дарвозасига тўп киритди. Аввалги рекорд каталонияликларнинг бошқа бир ҳужумчиси — 17 ёшу 359 кунлигида гол урган Ансу Фатига тегишли эди.

Ла Лиганинг 11-туридан ўрин олган баҳс «Барселона»нинг 4:0 ҳисобидаги ғалабаси билан якунланди.

Бу мавсумда Ямал Ла Лиганинг 11 та ўйинида 5 гол ва 6 ассистни ўз ҳисобига ёздириб қўйди.