Лионел Месси унинг трансферидан сўнг қисқа вақт ичида «Интер Майами» совринлар ютгани ҳақида гапирди. 

«Бу ерга келганимизда, кубоклар ютиб, клубни яхшилаш учун курашишимиз кераклигини билардик.

Ўшанда жамоа МЛСда ёмон ҳолатда эди. Мен келганимдан кўп ўтмай, биз Лига кубогини қўлга киритдик. Бу — клуб тарихидаги биринчи соврин. Бу ҳамма учун ғайриоддий бўлди, чунки мен эндигина келган эдим ва ҳаммаси зўр бўлди», — деди форвард Фабрицио Романога берган интервюсида.