Пол Погба яна Криштиану Роналдунинг жамоадошига айланиши мумкин.

TEAMtalk хабарига кўра, Погба «Ювентус»ни тарк этиши маълум бўлгач, 31 ёшли франциялик яримҳимоячини «Ан-Наср» раҳбарияти Саудия Арабистонига таклиф этмоқчи. Португалиялик ҳужумчи ҳам собиқ клубдошини Ар-Риёд жамоасида кўришни истамоқда.

Қайд этиш жоиз, Погба 2025 йилнинг март ойидан майдонга туша олади, айнан ушбу муддатда унинг 18 ойлик дисквалификацияси якунланади.

Эслатиб ўтамиз, Роналду ва Погба 2021/22 йилги мавсумда «МЮ» таркибида бирга тўп сурган.

Аввалроқ, Полни «Марсел» ва «Лос-Анжелес» клуби ҳам ўз сафида кўрмоқчилиги ҳақида хабарлар тарқалганди.