Франция чемпионати 9-тури доирасидаги марказий ўйинда «Ланс» қўшимча дақиқаларда голлар ўтказиб, «Лилл»га ютқазди.

Учрашувни асосий таркибда бошлаган Абдуқодир Ҳусанов кўпроқ чап қанотда ҳаракат қилиб, биринчи бўлимнинг энг фаол ўйинчиларидан бири бўлди. Иккинчи бўлим тенгкурашлар остида ўтган бўлса-да, якунда меҳмонлар қарши ҳужумлардан фойдаланиб кетишди. 90+8-дақиқада тўп лансликлар ҳимоячиси Кевин Дансонинг қўлига теккач, пеналтидан Дэвид фойдаланиб ҳисобни очди. 90+11-дақиқада эса Байо меҳмонларнинг иккинчи голини урди – 2:0.

Шу тариқа, «Лилл» 17та очко билан 4-ўринда бормоқда, «Ланс» 14 очко билан 5-ўринда қолди.

Франция чемпионати. 9-тур

Ланс – Лилль 0:2

Голлар: 0:1 — 90+8, пеналти Дэвид, 0:2 – 90+11 Байо.

Ланс – Самба, Хусанов, Данзо, Гради, Томассон (Эль-Энауи, 83), Зарури (Мачадо, 71), Медина, Диуф, Франковски (Пуйи, 46), Нзола (Лабо-Ласкари, 71), Сотока (Фюльжени, 71).

Лилль – Шевалье, Гудмундссон (Манди, 62), Алессандро, Диаките, Менье, Андре Гомеш (Мукау, 66), Андре, Гомес (Фернандес Пардо, 66), Жегрова, Сахрауи (Байо, 83), Дэвид.

Огоҳлантиришлар: Томассон (13), Гудмундссон (20), Пуйи (65), Менье (75), Гради (86), Манди (89), Дэвид (90+9), Нзола (90+10).