Хави Симонс «Ливерпул»га қарши ўйинда жароҳат олди.

«Лейпциг» яримҳимоячиси Чемпионлар Лигаси ўйинининг 78-дақиқасида алмаштирилди. Унга чап тўпиқ шикастланиши ташхиси қўйилган. Клубнинг таъкидлашича, нидерландиялик футболчи бир неча ҳафтани ўтказиб юборади.

Sky Sport Deutschland ёзишича, 21 ёшли ҳавбекнинг бу йил майдонга тушмаслиги эҳтимоли юқори. Операция режалаштирилган.

Бу мавсумда Симонс Бундеслигада 7 та ўйин ўтказиб, 2 та гол урди ва яна 2 та голли узатмани амалга оширди.