«Бавария» дарвозабони Мануэл Нойер ЕЧЛ 3-туридан ўрин олган «Барселона» (1:4) билан ўйиндан сўнг ўз фикрларини билдирди. 

«Иккала жамоа ҳам таваккалчилик билан ўйнади, шунинг учун хатолар ва ўзгаришлар бўлди.

Хатоларга йўл қўйдик, яримҳимояда фаолроқ ва тажовузкор бўлишимиз керак эди, чунки «Барселона»ҳужумида Рафиня каби тезкор футболчилар бор. Бугун шу жиҳатлар етарли эмасди.

Шуни ҳам таъкидлаш керакки, «Барса» биз ҳозиргача тўқнаш келган жамоаларга қараганда анча интенсив ўйнайди», — дея 38 ёшли посбоннинг сўзларини келтиради Bayern Germany.