«Реал» вингери Родриго «Эл-Класико»ни ўтказиб юборадиган бўлди.

Мадридликлар вингери «Боруссия»га қарши учрашувнинг (5:2) 85-дақиқасида жароҳат олиб, майдонни оқсоқланиб тарк этганди.

Қайд этилишича, Родриго «Барселона»га қарши ўтадиган 26 октябр, шанба кунги учрашувни аниқ ўтказиб юборади. Унинг қачон сафга қайтиши пайшанба куни ўтказиладиган тиббий текширувдан сўнг маълум қилинади.

Аввалроқ, Тибо Куртуа ҳам жароҳат олгани ва унинг «Эл-Класико»да иштирок этиши сўроқ остида экани маълум қилинганди.