Осиё кубоги U17 саралаш босқич баҳсларига старт берилди.

Хитой Тайпейи мезбонлигидаги 1-тур учрашувида Исломбек Исмоилов мураббийлигидаги Ўзбекистон ўсмирлар жамоаси Фаластинга қарши майдонга тушиб, йирик ғалабага эришди – 3:0. Е гуруҳи доирасидаги кейинги икки учрашув Хитой Тайпейи ва Ироқ ўсмирларига қарши ўтади.

Осиё кубоги U17 саралаши. 1-тур

Ўзбекистон U17 – Фаластин U17 – 3:0

Голлар: Мўминхон Баҳодирхонов 11, Нурбек Сарсенбоев 47, Садриддин Ҳасанов 77.

Маълумот учун, Осиё кубоги U17 баҳсларига саралаш босқичидаги 10та гуруҳ ғолиби ва энг яхши натижа кўрсатган 2-ўриндаги 5та жамоа йўл олади. Турнир апрел ойида Саудия Арабистонида ўтказилади.