Европа лигаси 3-тури доирасидаги «Фенербахче» - «Манчестер Юнайтед» учрашуви олдидан турк клуби бош мураббийи Жозе Моуриньо Эрик тен Ҳагнинг инглиз клубидаги фаолияти ҳақида фикрини билдирди.

«МЮ»да унга ҳамон ишонишмоқда, у мавсумдан мавсумга ўтиб клубда қолмоқда. Бу – барқарорлик ва ишонч деганидир. 

Мен билан эса Манчестерда бошқача иш тутилганди, гарчи клуб қўл остимда Европа лигасини ютиб, Премьер-лигада 2-ўринни эгаллаган бўлсам ҳам», - деди португалиялик мураббий.

Маълумот учун, «Фенербахче» - «Манчестер Юнайтед» учрашуви 24 октябр куни соат 23:59да бошланади.