«Ювентус» бош мураббийи Тиаго Мотта ЕЧЛ 3-туридан ўрин олган «Штутгарт» (0:1) билан ўйиндан сўнг ўз фикрларини билдирди. 

«Рақиб биринчи дақиқаларданоқ ғалаба қозонишга ҳақли ўйнади, улар биздан яхшироқ эди. Буни қабул қилишимиз, ўзимизни тузатишимиз, имкон қадар тезроқ тикланишимиз ва мағлубиятни ҳазм қилишимиз керак. «Интер»га қарши ажойиб ўйинга тайёргарлик кўришимиз керак.

Рақибдан ўйин тизгинини тортиб ололмадик, улар тўпни назорат қилишганида қийинчилик туғдиришди. Бу қийин рақиб эди ва бугун мағлуб бўлдик», — дея Моттанинг сўзларини келтиради Ди Марцио.