Нури Шаҳин «Боруссия» нима учун Мадридда машғулот ўтказмасликка қарор қилганини тушунтирди.

Олдинроқ Дортмунд клуби рақибнинг кузатувларидан қўрқиб, Чемпионлар Лигаси 3-тур ўйини олдидан «Реал» майдонида машғулот ўтказмасликка қарор қилгани хабар берилганди.

«Келгуси ҳафталарда бизни кўплаб сафар ўйинлари кутиб турибди ва биз ўз имкониятларимиздан унумли фойдаланмоқчимиз. Кузатув ҳақида ўқидим, лекин сабаб бу билан боғлиқ эмас. Ҳозирги даврда таҳлил учун ҳар қандай видео ёзувлардан фойдаланиш имкониятига эгамиз. Мен шунчаки футболчиларга уйда бироз кўпроқ вақт ўтказишларига рухсат бердим. 

«Реал» бизнинг ўйинларимизни, биз эса уларнинг ўйинларини етарлича томоша қилганмиз», — дея дортмундликлар устозининг сўзларини келтиради AS.

«Реал» — «Боруссия Д» баҳси бугун, 22 октябр куни бўлиб ўтади ва Тошкент вақти билан 23:59да бошланади.