ОФК Элит Чемпионлар лигаси 3-тури доирасида хавфсизлик нуқтаи назаридан Теҳронда эмас, Дубайда ўтадиган «Истиқлол» - «Ан-Наср» учрашуви олдидан Эрон клуби етакчиларидан бири Жалолиддин Машарипов собиқ жамоасига қарши ўйин ҳақида тўхталди.

«Ан-Наср» – ажойиб жамоа. Таркибида ажойиб ўйинчилар йиғилган. Ўзим ҳам бу жамоада олдин тўп сурганман ва бу клубдан фақат яхши хотиралар қолган. Аммо унутманг, биз ҳам «Истиқлол»миз, фақат ғалабани кўзлаймиз. Бизнинг таркибимизда ҳам кучли футболчилар жамланган ва Дубайга фақат ғалаба илинжида келганмиз. Бу ўйинда биздан ғалабани кутишади. Дубайда эронликлар жуда кўплигини биламан ва улар эртага бизни ёлғизлатиб қўймаслиги аниқ. Стадион мухлисларимиз билан тўлишига аминман. Улар ғалабамизга гувоҳ бўлишлари учун боримизни берамиз. Уйга 3 очко билан қайтишимиз керак», - дейди Жалолиддин Машарипов.

Маълумот учун, «Истиқлол» - «Ан-Наср» ўйини сешанба куни соат 21:00да бошланади. Шу куни Машарипов собиқ жамоадоши Роналдуга қарши майдонга тушиши кутилмоқда.