Лионел Месси «Интер Майами»да голлар сони бўйича рекордчига айланиб олди. 

Форвард Флорида клуби сафида барча мусобақаларда 33 та гол урди ва 1-ўриндаги жамоадоши Леонардо Кампанани (32) ортда қолдирди. 

Месси МЛС мунтазам лигаси сўнгги туридаги «Ню-Инглэнд Революшн» билан ўйинда (6:2) 58-дақиқада захирадан майдонга тушиб, ҳет-трик қайд этди. 

Умуман, аргентиналик 37 ёшли футболчи якунланган мавсумда 19 ўйинда 20 гол ва 10 ассистни ўз ҳисобига ёздириб қўйди.