«Комо» бош мураббийи Сеск Фабрегас уни илҳомлантирган мураббийлар ҳақида гапирди. 

«Мен мураббийлик фаолиятимнинг бошидаман. Ўзимни яхши ҳис қиляпман, лекин ҳали ўрганишим керак бўлган нарсалар бор. Агар қайсидир ҳамкасбимдан илҳомланиш керак бўлса, Симоне Инзагини («Интер») айтган бўлардим. У ўзининг 3-5-2 схемаси билан ақл бовар қилмайдиган анархияни ярата олади, буни эса аъло даражадаги меҳнат билан амалга ошириш мумкин.

Қолаверса, марказий ҳимоячиларнинг ҳужумга қўшилишига асосланган схема билан Италия футболига замонавий ғояларни олиб кирган Тиаго Моттани («Ювентус») ҳам эслатиб ўтмасдан иложим йўқ», — дея Фабрегаснинг сўзларини келтиради Football Italia.