Эрик тен Ҳаг ёзда «Манчестер Юнайтед»да «Наполи»га трансфер қилинган Скотт Мактоминейнинг Италиядаги муваффақиятлари ҳақида гапирди.

«Унинг ютуқларидан хурсадман. Унинг жамоадан кетишини истамаганман, наилож қоидалар шунақа. Клублар молиявий фэйр-плейга амал қилишига тўғри келади. Бундай қоидалар эса яхши деб бўлмайди. 

Айнан мана шунақа молиявий қоида ва талаблар сабабли биз Мактоминей масаласида шундай қарорни қабул қилишга мажбур эдик», - дейди «Манчестер Юнайтед» бош мураббийи.

Эслатиб ўтамиз, шотландиялик яримҳимоячи 30 млн евро эвазига «Наполи»га трансфер қилинганди.

Скотт А Сериядаги 4 ўйинда битта гол ва ассистга муаллифлик қилиб, жамоаси билан турнир жадвалида пешқадамлик қилмоқда.