«Реал»нинг собиқ устози Зинедин Зидан «Манчестер Юнайтед»ни бошқариши мумкин.

Тhe Independent хабарига кўра, инглиз клубига раҳбарлик қилаётган INEOS спорт сектори бош директори Жан-Клод Блан франциялик мутахассис билан доимий алоқада. Таъкидланишича, Блан манкунианликлар хўжайини Жим Рэтклифф каби мадридликларнинг собиқ мураббийига анчадан бери мухлис саналади. 

Эслатиб ўтамиз, Зидан «Реал»ни 2016-2018 ва 2019-2021 йилларда бошқарган. У «қаймоқранглилар» бошқарувида икки карра Испания чемпиони, икки карра Испания суперкубоги соҳиби ва уч карра Чемпионлар Лигаси ғолиби бўлган.