«Фенербаҳче» яқин орада Ансу Фати вариантига қайтади.

АS хабарига кўра, турк клуби қишда таркибини кучайтириш устида фаол иш олиб боришни режалаштирган. Бош мураббий Жозе Моуринио жамоада «Барселона» вингеридан ташқари, «Реал» тарбияланувчиси Серхио Регилонни кўрмоқчи. Испаниялик ҳимоячи айни вақтда «Тоттенҳэм»га тегишли.

«Фенербаҳче» ёзда ҳам Фатини ижарага олиш имкониятига қизиққанди. Истанбул клуби спорт директори Марио Бранко яқин ҳафталарда худди шу мақсадда Ансунинг вакиллари билан боғланиши кутилмоқда.

Шунингдек, айни пайтда Туркия миллий жамоаси яримҳимоячиси Исмоил Юксакка «Атлетико», «Бенфика» ва «Марсел» клублари қизиқиш билдирмоқда. Мадридликлар ёзда 3 миллион евро таклиф қилган, «Фенербаҳче» эса 10 млн евро сўраганди.