Лионел Месси «Интер Майами»га дам олиш учун келмаганини айтди.

«Мен футболни жуда яхши кўраман. Биз клубнинг ўсишига ёрдам бериш учун келганмиз, фаолиятимни якунлаш учун эмас. 

Биз биргаликда кўп титулларни қўлга киритиш бахтига муяссар бўлдик», — деди 37 ёшли форвард у билан «Барселона»да ўйнаб, МЛС клубига келган бошқа футболчилар ҳақида ҳам гапириб.

Эслатиб ўтамиз, майамиликлар сафида Каталония клубининг собиқ футболчиларидан Луис Суарес, Серхио Бускетс ва Хорди Алба ҳам ўйнайди.