Дэвид Бекҳэм ўзининг собиқ шерикларидан 5га 5 ўйин учун жамоа тузди.

Собиқ жамоадошидан интервю олган Рио Фердинанд таркибга дарвозабон қўшмасликни таклиф қилди.

«Роберто Карлосни айтган бўлардим, чунки у ҳимояда ҳам, ҳужумда ҳам ўйнай олади. Кейингиси — Малдини, у билан «Милан»да озроқ ўйнадик.

Зидан. Сиз унга майдоннинг исталган қисмида исталган баландликда ва исталган тезликда пас берасиз ҳамда у тўпни ерга туширади. 

Кейингиси энг буюк туғма голеадорлардан бири бўлиши керак — Роналдо. Шунингдек, Рой Кинни айтаман. Чунки жамоага тўпни қайтариб оладиган ва курашадиган етакчи керак», — деди «Манчестер Юнайтед» ва «Реал»нинг собиқ яримҳимоячиси.