«Ливерпул» ҳимоячиси Трент Александр-Арнолд учун яна икки топ клуб курашга қўшилди.

TalkSport хабарига кўра, «Барселона» ва «Бавария» 26 ёшли англиялик ўнг қанот ҳимоячиси учун «Реал» билан трансфер курашига қўшилган.

Қайд этилишича, Трент мерсисайдликлар билан мавсум якунида хайрлашмоқчи. Шу боис у «Ливерпул» билан келишувини узайтирмаяпти. Амалдаги шартнома мавсум якунида – 2025 йилнинг ёзида ниҳоясига етади. Трентни эркин агент сифатида ўз сафига қўшиб олишни истаётган топ-клублар сони ҳозирда учтага етган.

Аввалроқ, англиялик футболчи келаси мавсум «Реал»га ўтишни истаётгани ҳақида хабарлар тарқалганди. Transfermarkt Александер-Арнолдни 70 млн еврога баҳоламоқда.