Йозуа Киммих ортиқ «Барселона» учун қизиқ эмас.

Мundo Deportivo хабарига кўра, «Бавария» яримҳимоячисига «кўк-анорранглилар» аввалгидек қизиқиш билдирмаяпти ва унинг трансфери асосий мақсадлар қаторида эмас. Бунга Марк Касадо ва Марк Бернал каби ёш футболчиларнинг ишончли ўйинлари сабаб бўлди. 

Каталонияликларга ҳозир Лерой Сане ҳам керак эмас, чунки Ламин Ямал ва Рафиня Диас Ҳанси Флик қўл остида жамоадан муқим жой олишган.

Шу билан бирга «Барселона» мюнхенликлар ҳимоячиси Алфонсо Девисга қизиқишни сақлаб қолмоқда.