Лука Тони Пеп Гвардиоланинг футболга таъсири ҳақида ҳазил қилди.

Италия миллий жамоасининг собиқ ҳужумчиси Ломбардиядаги ресторанлардан бирида Гвардиола ва Роберто Баджо билан учрашди.

«Пеп, сен футболни бузиб юбординг. «Алдамчи тўққизлик» сабаб 4 йил давомида жамоа топа олмадим. Жиддий.

Месси мисолида «алдамчи тўққизлик»дан фойдаландинг. Сенга классик марказий ҳужумчилар ёқадими? — деди Тони.

«Манчестер Сити» бош мураббийи бунга жавобан «шаҳарликлар» айни дамда классик марказ ҳужумчи билан ўйнаётганини таъкидлади.

«Менда ҳозир Ҳоланд бор, у 60 та гол урган. Биз бу ҳужумчи билан требл ютдик. Марказий ҳужумчилар яхши бўлиши керак! Тушундингми?» — деб жавоб берди Гвардиола.