«Олтин тўп»нинг амалдаги соҳиби Лионел Месси 2024 йилда бу совринга ким муносиб эканини айтди.

Аргентиналик футбол юлдузи миллий жамоадаги шериги Лаутаро Мартинес ушбу совринга ҳаммадан ҳам кўра муносиб эканини айтиб ўтди. 

«Интер» клубининг 27 ёшли ҳужумчиси ЖЧ-2026 саралаши доирасида Боливияга қарши ўтган ўйинда (6:0) гол ва ассистга муаллифлик қилди.

«Лаутаро ажойиб мавсумни ўтказди. У Америка кубогида ҳам энг яхши тўпурар бўлди, финалда гол урди. Мартинес «Олтин тўп»га бошқалардан кўра муносиброқ», - дейди Месси Боливияга қарши ўйиндан кейин. 

Аввалроқ, Аргентина миллий жамоаси бош мураббийи Лионел Скалони ҳам Лаутаро Мартинес ушбу соврин учун муносиб эканини айтганди.