Роберт Левандовски Полша миллий жамоасидан «Барселона» клуби ихтиёрига қайтди.

Полшалик форвард Миллатлар лигаси доирасида Хорватияга қарши ўйинда (3:3) рақиб дарвозабони Ливаковичнинг қўполлигидан кейин жиддий зарбани қабул қилиб олган бўлса-да, оёғи кўкарганига қарамай, жароҳатдан қутулиб қолган. Голкипернинг эса майдондан четлатилишига сабаб бўлди. Учрашувдан кейин эса Роберт майдонни оқсаганча тарк этганди.

Бугун ҳужумчи «Барселона»да тиббий кўрикдан ўтди ва унга кўра Левандовскининг оёғи зарбадан бироз кўкаргани, аммо у якшанба куни «Севиля»га қарши майдонга тушиши мумкинлиги маълум қилинди.

Аввалроқ, Фермин Лопес сафга қайтгани, Ламин Ямалнинг эса якшанба кунги баҳсда майдонга тушиши сўроқ остида экани маълум қилинганди.