Муҳаммад Салоҳ Миср миллий жамоасидан муддатидан аввал «Ливерпул»га қайтaди.

Daily Mail хабарига кўра, вингерга Африка миллатлар кубоги саралаш босқичидаги Мавританияга қарши баҳсда рақибнинг қўпол ўйин услуби ва беллашув бўлиб ўтадиган стадиондаги сунъий майдон туфайли майдонга тушмасликка рухсат берилган.

Миср миллий жамоаси бош мураббийи Ҳосам Ҳасан Салоҳнинг «Ливерпул»га қайтишини тасдиқлади.

«Агар бирор футболчи мендан сунъий қопламали майдонда ўйнамасликни сўраса, рози бўламан.

Мавритания жамоаси қўпол, куч билан ўйнайди ва уларда яхши майдон йўқ», — деди Ҳасан.