Ўзбекистон миллий жамоаси аъзоси Жамшид Искандеров БААга қарши беллашув олдидан ўз фикрлари билан ўртоқлашди. 

«Чарчоқлар чиқди. Ўйинга ҳамма 100 фоиз тайёр.

Осон ўйин бўлмайди. Уч очко қўлга киритишга ҳаракат қиламиз. БАА ҳам яхши жамоа. Уларда олдинги чизиқда индивидуал яхши ҳаракат қиливчи 1-2 нафар ўйинчилари бор. Аммо фақат ғалаба учун майдонга чиқамиз. 

Ҳаво жуда ҳам зўр. Аммо ёмғир бироз майдонда халақит қилади, Лекин боримизни бериб ҳаракат қиламиз. 

Ҳар бир ўйинчининг йўқлиги билинади. Аммо уларнинг ўрнини ёпа оладиган болалар бор», — дейди «Навбаҳор» яримҳимоячиси.

Эслатиб ўтамиз, Ўзбекистон — БАА ўйини 15 октябр куни «Бунёдкор» стадионида соат 19:00 да бошланади.