Криштиану Роналду «Ювентус»даги собиқ жамоадоши Войцех Шенснининг «Барселона»га ўтиши ҳақида ҳазиллашди.

Полшалик посбон ёзда Турин клубини тарк этгач, футболчилик фаолиятини якунлагани ҳақида эълон қилганди. Аммо «Барса» дарвозабони Андре тер Штеген жароҳат олиб узоқ муддатга сафдан чиққач, полшалик дарвозабон Каталония клубидан тушган таклифни қабул қилиб яна футболга қайтди. Томонлар мавсум якунигача шартнома имзолашди.

Роналду ва Шенсни Полша – Португалия (1:3) ўйинидан кейин трибуна остида суҳбатлашишди. Войцех ўғли Лиам билан бирга эди.

Шенсни: «Мен «Барселона»га ўтдим, аммо ўғлим сенинг энг катта мухлисинг».

Роналду: «Биламан (кулади). Ҳаммаси яхшими? Хурсандмисан? Ажойиб. Катта клубга ўтишинг учун фаолиятингни якунлашга тўғри келди». 

Эслатиб ўтамиз, португалиялик форвард ва полшалик дарвозабон «Ювентус»да бирга фаолият юритганди.