Испания суперкубогида асосий вақтда дуранг қайд этилганда, қўшимча вақтлар бўлмайди.

Испания қироллик футбол федерацияси (RFEF) эркаклар ва аёллар ўртасидаги Испания суперкубогида қўшимча вақтлар бекор қилинганини эълон қилди. Бу ўзгариш спортчиларнинг юкламаларини енгиллаштириш мақсадида қабул қилинди.

Шундай қилиб, жамоалар асосий вақтда дуранг ўйнаса, ғолиб пеналтилар сериясида аниқланади.

Испания суперкубоги 2025 йилнинг 8-12 январ кунлари бўлиб ўтади. Турнирнинг яримфиналида «Барселона» «Атлетик» билан, «Реал» эса «Маллорка»га қарши ўйнайди.