Андрес Иньеста футболчилик фаолиятини якунлагач, кейинги тақдири ҳақида гапирди.

«Барса» ва Испания миллий жамоаси собиқ ўйинчиси 40 ёшда фаолиятини якунлаганини эълон қилганди. У мураббийлар курсида ўқиётганини маълум қилди.

«Энди тўпнинг ортидан югуришимга тўғри келмаса-да, футболдаги янги чақирувни яна шараф билан бажаришга тайёрман. Энди мен ўқишим, шуғулланишим керак... Келажагим ҳам футбол билан боғлиқ бўлади. Чунки, футбол – ҳаётим.

Фаолиятимни ғамгин ҳолда тугатяпман, чунки мен 90 ёшгача ҳам футбол ўйнаган бўлардим. Шунга қарамай, футболчи бўлиш орзумни амалга ошира олганимдан бахтиёрман», - дейди Иньеста Каталонияда ташкил этилган маросимда.