Мартин Субименди «Манчестер Сити»га ўтиши мумкин.

«Шаҳарликлар» тиззасидан жароҳат олган Родрининг ўрнини боса оладиган футболчи қидиришмоқда. Relevo хабарига кўра, «Реал Сосиедад» яримҳимоячиси инглиз клубининг трансфер мақсадига айланган.

«Сити» Субименди амалдаги жамоаси билан шартномасини ҳали узайтирмагани ва унинг товон пули 60 млн евро бўлиб қолаётганидан фойдаланиб, 25 ёшли футболчини январ ойидаёқ сотиб олишга уриниб кўриши мумкин.

Ёзда «Ливерпул» Субимендини трансфер қилишга яқин келган, бироқ якунда испаниялик яримҳимоячи рад жавобини берганди.