2026 йилги жаҳон чемпионати ҳал қилувчи саралаш босқич 4-тури доирасида Эрон ва Қатар ўртасидаги учрашув нейтрал майдонда ўтказилиши мумкин.

Теҳронда ўтказилиши режалаштирилган Эрон – Қатар учрашуви хавфсизлик нуқтаи назаридан бошқа мамлакатда ўтказилиши имконияти кўриб чиқилмоқда. ОФК ушбу учрашувнинг Эронда ўтишига рухсат бермаган. 

Манбаларга кўра, учрашувнинг Ўзбекистон ёки БАА ўтказилиши эҳтимоли мавжуд. Бу борада тез орада расмий қарор қабул қилиниши кутилмоқда.

Маълумот учун, 4-тур доирасидаги Эрон – Қатар ўйини 15 октябр куни ўтказилиши белгиланган. Эрон А гуруҳида 6 очко билан тўплар нисбатига кўра Ўзбекистондан кейинги 2-ўринда бормоқда, Қатар эса 1 очко билан 5-ўриндан жой олган.

Эслатиб ўтамиз, Эрон 3-тур доирасида 10 октябр куни Тошкентда Ўзбекистон миллий жамоаси меҳмони бўлади.