Эдер Милитао Бразилия миллий жамоасининг бўлажак ўйинларида майдонга тушмайди.

The Athletic журналисти Марио Кортегананинг хабар беришича, «Реал» ҳимоячиси ватанига учиб борган ва тиббий кўрикдан ўтган. Унинг чап сон мушакларида енгил жароҳат борлиги аниқланган.

Шу тариқа 26 ёшли футболчи ЖЧ-2026 саралашида Чили ва Перуга қарши ўйинларда иштирок этмайди.

Аввалроқ мадридликлар вингери Винисиус Жуниор ҳам жароҳат сабаб «пентакампеонлар»га октябрда ёрдам бера олмаслиги маълум бўлганди.