«Андижон» клуби Ўзбекистон кубоги-2024 финалида «Навбаҳор» устидан ғалабага (3:2) эришиб, ўз тарихида илк бор кубокни қўлга киритиш билан бирга келаси мавсумда илк марта халқаро майдонга чиқади.

«Андижон» кубок соҳиби сифатида Осиё Чемпионлар лигаси-2 турнирида қатнашиш имкониятини қўлга киритди. Водий клуби 2025 йилда турнирнинг 2-саватчасидан ўрин оладиган бўлди. Шу тариқа, «Андижон» уйда 3та ва сафарда 3та халқаро учрашувни ўтказишини кафолатлади.

Шунингдек, «Андижон» келаси мавсумда Ўзбекистон Суперкубогида ҳам Суперлига-2024 чемпионига қарши ўйнаш ҳуқуқини қўлга киритди.