«Реал» Трент Александер-Арнолд трансфери устида иш бошлади.

Relevo хабарига кўра, Мадрид клуби футболчи билан боғлиқ вазиятни билиш ва шартноманинг муваффақиятли ўтиш имкониятларини баҳолаш учун «Ливерпул» ҳимоячисининг атрофидагилар билан боғлана бошлаган. 

Таъкидланишича, «Реал» Трентнинг кўп қирралилигини қадрлайди ва уни Даниэл Карвахалнинг ўрнини босувчи футболчи сифатида кўради. Бундан ташқари ташқари «Ливерпул» ҳимоячиси Жуд Беллингҳэм билан узоқ йиллик дўстликка эга ва бу мадридликларнинг қизиқишига ҳам таъсир қилди.

Трентнинг «Ливерпул» билан шартномаси 2025 йилда якунига етади. Ҳозиргача ҳимоячи янги келишув борасидаги таклифларнинг бирортасига жавоб бермади.