Италиянинг «Рома» клуби ўзбекистонлик ҳужумчиси Элдор Шомуродов билан келишувни узайтиради. Бу ҳақда инсайдер Фабрицио Романо «твиттер»даги саҳифасида хабар бермоқда.

Манбанинг ёзишича, Ўзбекистон миллий жамоаси форварди Рим клуби билан 2027 йилгача бўлган янги шартнома имзолайди.

«Томонлар келишувга яқин. Клуб директори Гисолфи шартнома шартлари масаласида футболчининг вакиллари билан музокара олиб бормоқда», - дейилади инсайдер Фабрицио Романонинг хабарида.

Маълумот учун, Шомуродовнинг амалдаги шартномаси 2026 йилга қадар давом этади.

Аввалроқ, Италия нашрлари Элдорнинг Рим клубидаги йиллик маоши 2 миллион еврони ташкил этиши ҳақида хабар берилганди.