«Атлетико» бош мураббийи Диего Симеоне ЕЧЛ 2-туридан ўрин олган «Бенфика» (0:4) билан ўйиндан кейин ўз фикрларини билдирди. 

«Ўйин унчалик яхши ўтмади, баҳсни яхши бошқара олмадик. Рақиб барча хатоларимизни жиддий жазолади – биздан фақат уларни табриклашгина қолди. Улар ўйиннинг ҳар бир қисмида гол уриш учун имкониятларга эга бўлишди.

Бугун содир бўлмаслиги керак бўлган воқеа содир бўлди. Бошиданоқ ҳамма нарса биз тасаввур қилганимиздан бутунлай бошқача кечди. Иккинчи бўлимдаги пеналти эса бизни ўйиндан чиқарди. Биз қилган ҳаммаси мураббийнинг нотўғри танлови эди.

Келинг, баҳона изламайлик. Масъулият ўйинга ўзгартириш киритадиган мураббийда. Бу ҳамма учун ёмон ўйин бўлди. Буни қабул қилиш керак, чунки бу ўйиннинг бир қисмидир. Якшанба кунги баҳсга яна кучимизни тўплашга ҳаракат қиламиз.

Ёмон ўйнадик. Буни қабул қилишимиз керак. Алмаштиришлар бизга бошқа ҳолатларда берган ўзгаришларни бермади. Ёмон ўйнадик, рақиб яхшироқ эди ва буни қабул қиламан.

Характер ёки истакда муаммо йўқ эди, биз шунчаки ёмон эдик. Рақиб биз уларга имкон берган ҳамма нарсадан фойдаланди», — дея аргентиналик мутахассиснинг сўзларини келтиради AS.