Италия А Сериясининг сентябр ойидаги энг яхши мураббийи аниқланди.

Лига расмий сайти хабарига кўра, «Наполи» клуби бош мураббийи Антонио Конте ой якунларига биноан лауреатга айланган. Ўтган ойда «Наполи» икки ўйинда ғалабага эришиб, «Юве» билан 0:0 ҳисобини қайд этди ва ҳозирда турнир жадвалини бошқармоқда.

Италиялик 55 ёшли мураббий қўл остидаги жамоа 6-турдан кейин 13 очко билан 1-ўринни эгаллаб турибди.