Тез орада футболда янги трансферлар ойнаси пайдо бўлиши кутилмоқда.

Marca хабарига кўра, ФИФА қўшимча трансферлар ойнасини яратмоқчи. Бу 1 июндан 10 июнгача давом этиши кўзланган. Барча маҳаллий федерациялар ушбу янгиликни ўз чемпионатларида жорий этиши мумкин бўлади.

Қайд этилишича, ФИФА клублар ўртасидаги жаҳон чемпионати иштирокчи жамоаларининг трансферларини рағбатлантириш учун шундай қарорга келган. Бу давр оралиғида футболчилар билан шартномани бир неча кунга узайтириш имконияти ҳам берилади – агар келишув муддати турнир якунигача тугайдиган бўлса.

Маълумот учун, 2025 йилги клублар ўртасидаги жаҳон чемпионати АҚШда ўтиб, унда 32та жамоа қатнашади.