«Атлетико» «Реал» билан дербидан сўнг ўнлаб мухлисларни четлатади. 

«Метрополитано»да бўлиб ўтган Ла Лиганинг 8-тур ўйини (1:1) 2-бўлими «Атлетико» мухлисларининг рақиб дарвозабони Тибо Куртуага трибунадан турли предметлар отишни бошлашгани сабабли тўхтатилганди. Шунингдек, мезбон мухлислар рақиб ўйинчиларига ҳақоратомуз ҳайқириқлар ҳам айтишган. 

COPE'нинг ёзишича, «Атлетико» 60 га яқин мухлисга ўйинларга киришни тақиқлайди. Клуб Куртуага нарса отган бир мухлисни аллақачон четлатди ва қолганларни ҳам аниқлаш устида ишламоқда.