Нидерландия футболи афсонаси Марко ван Бастен Эрик тен Ҳагнинг «МЮ»даги трансферларини танқид қилди.

«Уларнинг янги ўйинчиларини кўрдим – Угарте қанақасига 50 миллион евро туриши мумкин? Қанақасига?!

Тен Ҳаг 6-7та трансфер учун жуда катта маблағни сарфлади ва бу яхши ўйинчилар учун қилинган харажат эмас. Бу шунчаки ахмоқлик.

Ҳимоя? Топ-футболчи йўқ. Рэшфорд гол урмай қўйган. Фернандеш – яхши ўйинчи, Онана – яхши дарвозабон. Аммо уларнинг таркибида «яхши футболчи» дейиш мумкин бўлган бошқа ўйинчилар йўқ.

Каземиро – ўтмишда қолди, ундан шунчаки номи қолган. Гарначо – яхши ўйинчи, аммо ҳал қилувчи эмас. Таркибда намуна бўладиган футболчи йўқ», – дейди «Милан» ва Нидерландия миллий жамоаси собиқ форварди ўз интервьюсида.