Диего Симеоненинг фикрича, Тибо Куртуа «Атлетико» мухлисларини ғазаблантирган.

«Атлетико» мухлислари Тибо Куртуага қарата турли предметлар отишни бошлашганидан сўнг, Ла Лиганинг 8-туридаги дерби (1:1) тўхтатилди. Аввалроқ «Реал» дарвозабони голни нишонлаш чоғида қўлини трибуна томон силкитганди. Беллашув 15 дақиқадан сўнг давом эттирилди.

«Бу нотўғри, аммо мухлисларнинг бошқа танлови йўқ. Биз хотиржамроқ бўлишимиз ва қандай вазиятларда трибуналар олдида гол нишонлашимиз мумкинлигини билишимиз керак.

Бу яхши эмас, лекин одамларнинг ўз-ўзидан жаҳли чиқмайди, нимадир жунбушга келтиради ва бунга биз «ҳисса қўшамиз». 

Мен мухлисларнинг қилган ишни маъқулламайман, аммо провокаторларни аниқлашга ҳаракат қилишимиз керак. Бизни иштиёқ билан қўллаб-қувватлайдиган мухлислар керак», — дея аргентиналик мутахассиснинг сўзларини келтиради Marca.