«Милан» молиявий томондан ўтган мавсумни фойда билан якунлади.

Calcio e Finanza маълумотларига кўра, «россонери»нинг 2023/24 йилги мавсумдаги фойдаси 4,1 млн еврони ташкил қилган. Милан клуби кетма-кет иккинчи йил ижобий молиявий кўрсаткичга эришди. 

Бундан ташқари, «Милан» ўз тарихидаги энг юқори даромадни қайд этди — 457 миллион евро (ўтган мавсумга нисбатан 13 фоизга ўсиш).

Даромаднинг ўсиши асосан А Сериядаги иккинчи ўрин, Сандро Тоналининг сотилиши, тижорат даромадларининг ўсиши, премиум стадион маҳсулотлари ва тегишли хизматлардан тушган даромадлар билан боғлиқ.