Футзал бўйича ЖЧ-2024 чоракфинали доирасидаги сўнгги баҳсда қўшни Қозоғистон миллий жамоаси амалдаги вице-чемпион Аргентинага қарши саф тортди.

Тошкентдаги «Ҳумо Арена»да ўтган баҳсда қозоғистонлик юзлаб мухлислар ўз жамоаларини қўллаб-қувватлаган бўлса-да, Аргентина рақибидан тажриба бобида устунлигини кўрсата олди. Баҳсда Жанубий Америка қитъаси вакили 6:1 ҳисобида зафар қучди ва яримфиналга йўлланма олган сўнгги жамоага айланди.

Шу тариқа, Аргентина яримфиналда Францияга қарши паркетга чиқади. Иккинчи жуфтликда Бразилия ва Украина тўқнаш келади. Ўйинлар 2-3 октябр кунлари бўлиб ўтади.

Футзал. ЖЧ-2024. 1/8 финал.

Қозоғистон – Аргентина – 1:6