«Реал» бош мураббийи Карло Анчелотти Ла Лига 8-туридан ўрин олган «Атлетико» (1:1) билан ўйиндан кейин ўз фикрларини билдирди. 

«Ўтган мавсумда содир бўлган воқеаларни («Атлетико» майдонида икки марта ютқазган) инобатга оладиган бўлсак, бу ердаги дурангни келажак учун яхши пойдевор деб ҳисоблаш мумкин.

Мен ҳар доим позитивман, етакчига яқинмиз («Барса»дан 3 очкога ортда қолмоқда), яхши формадамиз ва аллақачон чоршанба кунги ўйин ҳақида ўйлаяпмиз.

Алмаштиришлар? Футболчиларнинг чарчоқлари билан содир бўлди.

Эндрикнинг зарбаси? Менимча,  ҳаммаси «Штутгарт» билан ўйиндагидек аниқ эмасди, у тўпни Беллингҳэмга узатиши мумкин эди, лекин мен драма ясамоқчи эмасман», — дея италиялик мутахассиснинг сўзларини келтиради Marca.