«ПСЖ» клуби ва Полша миллий жамоаси собиқ яримҳимоячиси Гжегож Криховяк янги мавсумни Кипрда ўтказади. 

34 ёшли футболчи «Анортосис» билан бир йиллик шартнома тузди. 

Криховяк сўнгги мавсумни «Абҳа»да ўтказиб, Саудия пролигасида 33 та ўйинда 9 та гол урган. Жамоаси эса юқори дивизиондан тушиб кетганди.

«Анортосис» бу мавсумда 5 ўйинда 5 очко тўплаб, Кипр чемпионатида 8-ўринни эгаллаб турибди.