ФИФА клублар ўртасидаги жаҳон чемпионатининг финал стадиони ва турнирнинг бошқа ўйинлари ўтказиладиган ареналарни эълон қилди.

Янги форматдаги мусобақа 2025 йилнинг 15 июнидан 13 июлигача АҚШда бўлиб ўтади, унда 32 та клуб иштирок этади.

Беллашувлар 12 та стадионда ўтказилади. Финал Ню-Жерси штатининг Шарқий Рутерфорд шаҳридаги «Метлайф Стэдиум»да бўлиб ўтади. 2026 йилги жаҳон чемпионати финали ҳам шу ерда ўтказилади.

Турнир яна 10 та шаҳардаги 11 та аренада ўтказилади: Атланта, Шарлотт, Цинциннати, Лос-Анжелес, Майами, Нэшвилл, Орландо (2 та стадион), Филаделфия, Сиэтл ва Вашингтон.