«Барселона» бош мураббийи Ҳанси Флик Ла Лига 8-туридан ўрин олган «Осасуна» (2:4) билан ўйиндан сўнг ўз фикрларини билдирди. 

«Бундай мағлубиятларни қабул қилиш керак. Биз унчалик яхши ўйнамадик. Кўп ўйнаган футболчиларни асраш — менинг масъулиятим. Лекин бундай ўйнашимизни кутмагандим.

Мен жамоага олдинга боришимиз кераклигини айтдим. Ҳафта ўртасида ва якшанба кунлари ўйнаяпмиз. Ҳозир тўғри йўлдамиз.

Жуда кўп хатоларга йўл қўйдик, аммо рақиб жуда яхши ўйнади. Иккинчи голда ҳужум бошида қоида бузилиши бўлган деб ўйлайман, аммо такрорий вазиятни кўрмаганим учун тўлиқ ишончим комил эмас. Бироқ мен эшитган фикр — айнан шу.

Ўтказиб юборилган 4 та гол жуда кўп», — деди каталонияликлар устози Movistar эфирида. 

Беллашувда Гилермо Куадра Фернандес бошчилигидаги ҳакамлар бригадаси ишлади.