«Арсенал» бош мураббийи Микел Артета АПЛ 6-туридан ўрин олган «Лестер»га (4:2) қарши ўйиндан кейин ўз фикрлари билан ўртоқлашди.

Лондон клуби қўшиб берилган дақиқаларда 2 та гол уриб, ғалабани илиб кетди.

«Жуда хурсандман — ўйиндан, жамоанинг муносабатидан, бутун баҳс давомида ўйнаганимиз ва устунлик қилганимиздан. 

Айниқса, кутилмаган икки гол ўтказиб юборилганидан сўнг вазият оғирлашганида, жамоанинг қандай реакция кўрсатгани мени қувонтирди. Биз, жумладан, томошабинлар ҳам ақл бовар қилмайдиган эмоцияларни, қилаётган ишимизга кучли ишончни ва якунда ғалаба қозониш йўлини топиш учун жасоратни намойиш қилдик», — деди Артета клуб расмий сайтига.