«Байер» бош мураббийи Хаби Алонсо Бундеслига 5-туридан ўрин олган «Бавария» (1:1) билан ўйиндан кейин ўз фикрларини билдирди. 

«Жамоадан кўпроқ энергия кўришни хоҳлайман ва бу борада мамнунман. Биз курашишга тайёр эдик, шундай қилдик. Футболчилардан интизом ва иштиёқ керак.

Осон бўлмади, тўпни назоратга ололмадик. Ҳимояланиш ҳақиқий қийинчилик эди, шунинг учун бу очко муҳим.

«Бавария»нинг кучи ва ўзига бўлган ишончи ўтган мавсумдагидан фарқ қилади. Улар тўп билан ҳам, тўпсиз ҳам борларини беришади. Бугун жуда қийин бўлди. Биз бу очкодан хурсанд бўлишимиз мумкин», — дея испаниялик мутахассиснинг сўзларини келтиради клуб расмий сайти.