«Ал Ҳилол» бош мураббийи португалиялик Жорже Жезуш Саудия Арабистони ва Европадаги ҳаётни таққослади.

«Саудия Арабистони – хавфсиз ва қонунлар бўлган ажойиб мамлакат. Европада ҳозир бундай эмас, бу ерда эса ҳар бир фуқаро ўзини тинч, хавфсизликда эканини ҳис қилади.

Бу мамлакат ривожланиш учун катта салоҳиятга эга. Саудия Арабистони яқин 10 йил ичида фақат футбол эмас, бошқа соҳаларда ҳам эътибор қаратиш мумкин бўлган мамлакатга айланади. «Ал Ҳилол»га энди келганим йўқ, 5 йил аввал ҳам ишлаганман. Клуб ажойиб раҳбариятга эга, жамоа нафақат Саудияда, Осиёда ҳам етакчилардан бири. Таркибдаги номдор ўйинчилар жамоанинг ютуқларида жуда катта таъсирини ўтказмоқда», - дейди Жезуш.